能夠將棟篤笑演得出神入化，好笑之餘同時諷刺社會時弊既，非「子華神」黃子華莫屬！黃子華初入娛樂圈做演員不紅，但做棟篤笑意外地反應熱烈，於是由1990年開始做棟篤笑，一步一步地做到上紅館，仲場場爆滿、一票難求！
時隔三年，黃子華今晚再喺紅館開《金盆𠺘口》棟篤笑，仲表明今次會係最後一次紅館搞棟篤笑，難怪全世界都周圍撲飛，早前連好友佘詩曼想睇都話無門票，結局最後仲加至２６場，總共十五萬張門票全場沽清。到底子華神既棟篤笑有幾大魅力？
許多人都知道黃子華是修讀TVB編劇訓練班出身，其實當年的他一心想報考藝員訓練班，只是碰巧藝員訓練班停辦了，才逼使他盼望以編劇身份走進公仔箱。編劇訓練班畢業後，他發現要由編劇轉型做演員絕非易事，而出路甚少，所以他作出不少相關的工作嘗試，去找最適合自己的路。他先後成為電台DJ，後加入了香港話劇團。直至參加「全能司儀選拔大賽」才開始為人所認識，難怪有人說黃子華是其中一個最熟悉香港娛圈的藝人，因為他接近「咩都撈過」。
當年令他成名的棟篤笑騷《娛樂圈血淚史》也說過不少工作辛酸：「我同你講下咩叫奇跡，我係電台做過野已經係個奇跡，真係係電台做過，我係娛樂圈已經蒲均，再浮再沉，沉到腳踏實地，係海底（腳踏實地）。」可見當年黃子華說起個人經歷時亦難以掩藏心中情感，但誰料到正因《娛樂圈血淚史》而令他人氣急升來個大翻身，成就現在的黃子華！
「成功在於夠黑」絕對是黃子華的真實寫照，先不說他雙親離異的成長環境，單單是成名前的工作路已經夠絕。生活得不如意，自然更具慧眼看到社會的黑暗面，更清楚知道社會不公、荒謬和殘酷，而這些「黑仔事」也成為了他「黑色幽默」的題材。生活上五花八門的唏噓事，被忽略一群的鬱悶，在他眼中也以一笑帶過，那種唏噓感就是子華神最令人著迷的，也正中香港人下懷，為社會不公吐一口氣。
二十多年前討論得最熱烈的電影是《鐵達尼》，而子華神當然沒有放過這個素材去談男女間的關係，當中的金句「男人愛情追求新鮮，女人愛情追求保鮮」到現在都為人津津樂道。
「搵食啫，犯法啊？」是眾多金句的經典！當年狗仔隊風氣盛行，黃子華表示當被人質問狗仔隊工作時，可以說「搵食啫，犯法啊？」化解危機。當然孰是孰非大家都知道的，雖然現在狗仔隊風氣已大不如前，但仍然可以形容有人作出有違道德的事時依舊理直氣壯的情況。
如果要找個能夠形容希望打風心情時，黃子華的論打風可謂最生動！當中一句「叫左人黎開枱無比快樂，但凌晨六點鐘所有風球除下！」可以形容當中來回地獄又折返人間的心情。
圖片來源：互聯網
影片來源：lol Setting、Ferris Tree、waitay@YouTube
