剛與太太謝安琪及仔女遊完埠的張繼聰，昨日於社交網激動表示：「OMG，我真係……喊咗」原來因為他拍到七個月大的囡囡張靖（Karina）學識嗌爸爸的一刻！短片中見張繼聰教KaKa叫爸爸：「你叫爸爸先啦，爸爸！」KaKa聽見爸爸把聲，都只是甜笑回應，又怕怕醜醜地頭貼爸爸手臂，似乎不太願意開金口。不過字典裡沒有放棄的張繼聰就繼續叫囡囡學叫「爸爸」，最後KaKa真的開口叫了爸爸、爸爸兩聲！張繼聰即時開心到來不及反應，望住囡囡擘大口，反應過來時就即錫囡囡一啖。得到第一聲爸爸的張繼聰一上載短片晒幸福後，老婆謝安琪就即轉載，並表示認輸： 「好啦好啦，咁都俾你影到，今鋪當你贏喇﹗」但身為媽媽的她亦希望盡快聽到愛女叫她一聲媽咪，投訴愛女偏心：「 Kakaball唔好大細超好嘛，麻煩你聽日叫返一聲媽咪。」
張繼聰經常網上大晒家庭幸福！
今次晒囡囡學識嗌爸爸！爸爸開心到呆咗！
影片、圖片來源：張繼聰@Instagram