被網民稱為Mk Pop 始祖的E-kids今年復出開演唱會座無虛席，不少粉絲完場表示回憶返晒嚟，更希望佢哋喺2017年全面復出。E-kids三巨頭眼見咁多Die hard粉絲力撐佢哋，今年確實出咗唔少新歌，而近日仲出埋出道成名作〈開始戀愛〉嘅續集〈終止戀愛〉添，唔夠一星期已經突破10萬點擊率，氣勢超強勁！
收視好嘅電影、電視劇出續集好平常，本地流行歌出續集而又成功嘅例子都唔少，早少少可以數到孫耀威〈愛的故事上集〉，近年啲就一定唔少得Juno〈耿耿於懷〉十年續集四部曲。回看Juno同Wyman合作〈念念不忘〉嘅成功例子，筆者認為E-kids某程度都向對方借鏡不少，首先〈開始戀愛〉續集與〈耿耿於懷〉照辦煮碗以悲慘現實作結，然後由Tommy親自操刀作曲，接着找來〈開始戀愛〉的填詞人馮曦妤再次填詞，單單看這三點已是複製成功元素的基調。
圖片來源：E-kids@Facebook
影片來源：Ekids@YouTube，Stareast Music
