【集氣成功】趙學而為首個紅館騷 真空上陣拍海報

趙學而（Bondy）入行近30年，參加新秀歌唱比賽出道的Bondy今年苦盡甘來，終於可以係嚟緊4月尾圓紅館夢舉行《趙學而Right On Time個人演唱會》。為咗只此一場嘅演唱會，趙學而決定搏到盡，真空上陣拍攝演唱會海報。從照片可見，現年45歲的Bondy看起來非常瘦，衣着十分大膽，沒穿內衣便直接披上外套，所以拍攝時都非常緊張會走光。

其實Bondy之前係九展同澳門開演唱會已經反應熱烈，唔少網民都力撐佢做民選歌后，仲幫佢集氣要係香港開紅館騷，所以今次集氣成功真係可喜可賀。而Bondy表示非常感謝網民同朋友嘅支持，令佢可以踏上紅館舞台。另外，Bondy透露今次演唱會將會翻唱其他歌手嘅經典金曲，而演唱會嘉賓名單則仍在構思中，絕對不會讓觀眾失望。

延伸閱讀：演而優則唱！你不能錯過趙學而的7件事

延伸閱讀：【流行經典50年】男女對唱《誰明浪子心》邊對你最Like？

圖片來源：互聯網、趙學而@Facebook

影片來源：英皇娛樂