內地音樂選秀節目《中國好聲音2022》，昨晚（28日）播出總決賽，李克勤戰隊的成員梁玉瑩順利登上冠軍寶座，克勤亦成功蟬聯「冠軍導師」，成為唯一一位連續兩屆奪得冠軍導師的男導師。
克勤戰隊雖然於最初的盲選階段一波三折，但最後戰隊都能夠完美成形，他深感安慰，表示：「我嘅戰隊真係好完美，攻守兼備。」成員勝出比賽後，克勤笑說：「第一年攞，我覺得係運氣，第二年攞就係運氣加敬老。」他乘機多謝太太盧淑儀，「形象顧問就係我屋企嗰個形象顧問啦，即係我太太，佢都好開心，大家都睇得好投入。佢八月過咗嚟『好聲音』，其實學員着嘅衫或者所有嘢，佢都有負責幫手搞形象，大家都好投入咁去做呢件事。」
克勤從不當自己是導師身份，跟學員們亦師亦友，凝聚戰隊團魂，「大家都冇分前輩後輩，都係一班享受音樂、鍾意音樂嘅朋友。除咗工作，大家都成日一齊食飯，從而建立起友情。」這次參加「好聲音」期間，他亦有跟上一年的學員聯繫，「我覺得『李克勤戰隊』兩年以嚟俾大家嘅感覺就係導師同學員嘅關係好融洽，就算今年我係第二年，我同第一年嘅學員好似伍珂玥或者賀三都依然有保持聯絡，『好聲音』係一屆一屆，但係老師同學員嘅關係係可以好長久。」
克勤成功冧莊，自有一套致勝策略，自言是一個相信「老黎」的人，如去年贏得冠軍，今年總決賽他便特意穿回跟上年同一品牌的西裝作戰衣，「又例如舊年伍珂玥唱《飄雪》，今年我哋學員都係唱《飄雪》，但舊年係唱陳慧嫻粵語版《飄雪》，今年我哋係唱國語版。最後嘅《祝君好》因為梁玉瑩係廣西人，我亦都係中國香港歌手，都想保留番一隻粵語嘅歌，所以我哋特登將呢隻粵語歌擺喺最後。」
梁玉瑩奪冠後亦在社交平台發文感謝各方支持，「今年的四月我開始了我的好聲音之旅，從demo到試音到磨棚再到登上了舞台最後走到了決賽成為了冠軍。這一路我遇到了很多伯樂，遇到了很多支持我愛我的人。在參加比賽之前我們都只是素未謀面的人，短短的時間卻讓各位老師為我勞心勞力，無私奉獻，真的非常感謝各位老師。好多人說克勤老師跟子龍老師對表妹真的偏愛。哈哈，不管是不是真的偏愛，反正兩位老師對我是真的真的太好啦！遇見兩位老師是我這26年來最幸運的事！雖然比賽結束了，但老師們教我的東西永遠刻在心裡。我會一直保持熱愛，真誠，去唱每一首歌，完成每一次演唱。愛你們。」
