江美儀與冬叔同是9月20日生日,她與冬叔的兒子吳君祥相戀多年,直至2018年突然宣布已在兩年前分手,其後更被冬叔踢爆他們是離婚,不是分手。江美儀最初不認瞞婚,隨着與男方2006年在西雅圖登記結婚紀錄曝光才不得否認及公開道歉。她多年後曾在訪談節目談及離婚原因︰「兩個人相處去到要離婚,未必係一件事發生咗,可能係一路積累,積累到覺得,我嘅人生係咪應該繼續落去。兩個人傾完之後覺得,可能分開會比較好,所以最後就分開,其實你哋知道嘅時候,已經係好後期。」
至於為何秘婚?江美儀說︰「因為我唔想講,因為我覺得做藝人呢,我已經要乜嘢都俾人知,我行出門口,乜嘢都反晒出嚟,咩都俾人講,我淨係想有一樣嘢,我係想保持住,我唔講㗎啫。我留番一樣嘢係屬於我哋兩個,係我哋兩個嘅,我唔想俾人知,咪就係咁。」