苑仔（苑瓊丹）911生日，九月也是跟丈夫黃乃揚結婚二十年的日子，不過苑仔最近忙直播忙搞生意，忙到結婚二十周年都唔記得慶祝，惟有趁返香港同老公「補祝」：「依家幾十歲唔洗慶祝，最緊要家和萬事興、身體健康！我都唔知結婚二十周年添，真係快樂不知時日過，證明我婚姻生活係美滿嘅。」苑仔早前出席「香港女科學家協會」活動，榮升副會長，席間她搞笑拿起衣袖，露出手臂瘀痕，原來她工作太攰，做了通經胳，還笑話無被老公「家暴」，如果真係有時會直播同大家求救！
而苑仔點解有身份了「科學家」，原來她一直研究新科技，今次係應用科技除去腐乳中的細菌的技術獲肯定，到場恭賀苑仔的林子聰笑指二人是「傾傾吓」就落實研究：「其實所有科學都係由發夢開始，只有創新先係科技，同我地拍戲都係一樣。」苑仔講笑話林子聰搵自己做女主角，搞到票房唔收得，自己「氹掂」林子聰做直播齊齊搵真銀！
