臨近年尾，好好回顧與展望。今年適逢《明周》創刊55周年紀念，特刊主題光影無限向港產片致敬。要說電影界新生代接班人，袁澧林（Angela）與柯煒林（Will）可說分屬男女界代表人物，近年分別都交出了代表作，《濁水漂流》以及《窄路微塵》一先一後誕生，《濁水》導演李駿碩曾說，兩套戲「可說就是同一條腸出來」。
袁澧林的2023年，《窄路微塵》佔了重要一席。首次擔正電影做女一，《窄路》帶給袁澧林很多。台灣金馬、香港金像先後以最佳女主角提名出戰，已是最大肯定。剛滿30歲的袁澧林，坦言《窄路微塵》改變了她的生命軌跡，「我覺得好重要，《窄路》絕對係改變我生命一個軌跡。」
當然《窄路》只是個開始，未來袁澧林的電影路，肯定更闊更廣，新片《但願人長久》即將面世，在片中全素顏上陣，有更多不一樣的袁澧林。說到改變生命軌跡的《窄路》，袁澧林說得到一個全面學習的機會，「我覺得《窄路》好全面，因為佢係一個好大角色，見到佢生活好多面向，見到佢好多struggling！」
戰勝「渣」嘅自己
女主角唔易做，「因為上年前年都有做過唔同嘅supporting role，我覺得嗰個思考係唔同，supporting role會去諗個故事想講乜嘢，然後點樣shine其他對手，但係《窄路》當你係主角嘅時候，可能係另一種需要思考嘅嘢！」面對自己的不足，袁澧林上過不少演戲課程，由早年的鍾景輝、林立三老師，到近年同公司的好拍檔張繼聰，都教識她不少演戲技巧，「今年我都上咗好多acting class，我覺得發展一定係向緊好，因為我收到香港以外邀約，我未來都會spend一段時間喺台灣拍mini series，我都好期待！因為香港未開發mini series或者streaming platform劇集，我覺得係一個方向去發展。」
袁澧林坦言，自知幸運一直在身邊，「我感性面同理性面一樣咁強，我有一個好健康心態，我講出嚟大家都唔相信，因為我知道自己近年電影產量唔算好多，所以我有一個好清醒嘅calculation，我知道有一個幸運喺裏面，even though我能夠finally recognize我自己努力，我知道有一個客觀事實喺後面；我自己又真係唔係好睇重獎項嗰啲人，我係幾好勝，但我有時覺得自己冇自信嘅位，覺得自己太差，我有時亦都覺得會更加好，我可以戰勝依家渣嘅自己，我把尺constantly會同自己比較。我覺得獎項點解唔重要呢？因為如果你真係熱愛呢個藝術、熱愛電影，你就唔會諗到咁近嘅嘢，你可能會覺得lifespan係好長。」獎項只是一時，演藝生命才真正長久。
由模特兒、文青女神，拍Viu劇集，再到電影女主角，袁澧林13年出道當女模，15年演出首部電影《碟仙碟仙》，短短8年光影間，袁澧林的確已經比很多人幸運。問她成長階段，對那些香港電影情有獨鍾，她說：「我有好多香港電影都好鍾意，我好鍾意《香港製造》、我好鍾意《甜蜜蜜》，我覺得拍咗一個時代同成個generation出嚟，嗰個時代嘅struggle，好活生生咁擺咗喺你面前！」
最愛《Barbie》睇足三次
問到今年最愛的電影，袁澧林則說：「我覺得今年係《Barbie芭比》，inspire咗我好多嘢嘅一套戲，我喺戲院睇咗三次！我唔係一個會入戲院瘋狂睇同一套戲嘅人，但我覺得呢套戲真係utterly smart，即係聰明呀！我好鍾意佢，佢genderly好inspiring，能夠做到好商業嘅同時，又carry住好多唔同嘅values同message！」
袁澧林想成為別人眼中一個怎樣的女演員？她說已經不會再想別人怎樣看自己，都是因為《Barbie芭比》令她有另一番體會，「我今年算係一個非常健康狀態，喺一個好自由狀態，我已經唔會諗大家點樣睇我囉！不過你問我，如果未來想做啲咩呢，我又可以答到你喎，我會想curate一啲project，同我價值觀接近嘅，亦都係inspired by《Barbie芭比》，因為Margot Robbie（《Barbie》主角兼監製）將呢個project，佢搵咗Greta Gerwig（導演）拍呢個電影，然後我哋就見到一個好open minded、好前衛或者gender sense好強嘅一個作品，將一個玩具電影變成一個咁inspired嘅戲，我覺得好inspired我！所以我未來想做嘅嘢，就係希望自己再叻啲、話語權大啲，希望我可以慢慢去揀project，可以大啲power慢慢去curate一啲嘢囉！」
得到《Barbie芭比》啟發，袁澧林想自己能夠自主多一點。問她會否想向幕後如編劇或導演之路進發？她說：「我唔會形容係編劇同導演，因為我好respect編劇同導演，而我知道呢啲唔係我能力範圍，我都想繼續做演員，但我認為未來再develop自己嘅審美、develop自己唔同嘅sense，可以幫助去curate一啲project！」更多「雙林」鮮浪潮對談內容，詳情刊登《明周》55周年紀念特刊。
後記：
在9月中的一個早上十一時半，柯煒林提早到達柴灣影樓先行妝髮，期間一直手拿一本《樹的憂鬱》默點地看，他說是近來十分喜愛的小說，關於去與留。
袁澧林則準時十二時到達現場，在另一角準備妝髮，仍睡眼惺忪的她，與公司同事討論工作行程。今次她真的是「百忙抽空」拍攝，因為翌日便要飛到丹麥哥本哈根出席電影活動，出發前的上午仍要為另一家傳媒訪問。
柯煒林與袁澧林，性格戲路劇種截然不同，卻有那麼一點點的接連，俱是近年最耀眼的新生代，沒有之一。「同一條腸出」的《濁水》與《窄路》，幾乎都直接或間接，影響了大家的生命軌跡，一個想「起多次雞皮」，另一個要向《Barbie》取經。好戲，陸續有來。
撰文：文嘉龍
協力：張佩芳、溫敏芝
攝影：TMT、洪志富（花絮）
攝影協力：FEILUNG、WUHOSUN
造型：NANA WONG
造型協力：CHLOE NG
化妝：Jenny Shih（Angela）、Tammy Au （Will）
髮型：Lupus_chui@ orient4（Angela）、Oscar Ngan（Will）
(On WILL)
FERRAGAMO
COAT
SHIRT
PANTS
TIE
SHOES
FENDI
COAT
PANTS
RING
LOUIS VUITTON
MNG QUILTED OVERSHIRT
WORKWEAR CUFFED PANTS
SNEAKERS
(ON ANGELA)
FERRAGAMO
BLAZER
SHORTS
LOUIS VUITTON
BLOSSOM SANDAL
BOUCHERON
Plume de Paon Large Ring
FENDI
DRESS
FENDI
TOP
KNIT
PANTS
