有傳Yumi接手Gigi工作，令Yumi工作量急增，但無損姊妹情，Yumi在社交平台貼出和Gigi合照，相中Gigi扮日本幽靈，並將塊面塗白兼以頭髮遮半邊面，途人難以認出，至於其他聲夢學員亦花心思扮鬼扮馬，十分搞鬼。Gigi在Yumi的ig搞笑留言：「我要跟住你返屋企！」
之後Gigi也在社交網狂Po鬼怪照，並發長文講她化這個鬼妝，及入鬼屋後的情景，正如她一開始說：「一係就唔講，一講嘢就講多啲！一係就唔玩，一玩就要玩盡啲！」
Gigi不說不知，原來她不是扮日本幽靈：「今次我扮嘅係燒鵝，頭上兩把火，再加胸前的燒鵝」，並不忘自讚「有啲押韻」。她又說入鬼屋時被Venus和Sherman指她個樣好恐怖，她則搞笑說：「我已經用力扮緊可愛，果然恐怖冇藥醫！」Venus在留言補充說：「估唔到入鬼屋原來最恐怖係喺我後面超級冷靜哋步行既Hallow-Gi…」。
最後Gigi感謝說：「Aska非常窩心，因為我想記錄低那天最後的時刻，我就跟大家說我要準備錄影，然後他怕大家聽不到，便再重複了一次。之後大家雖然非常攰但也非常之配合，我愛你們」！
