「影以載道——銀都作品回顧」日前於舉行開幕典禮，並邀請了是次開幕電影《父子情》（1981）中飾演母親的朱虹，以及飾演兒子的Peter鄭裕德（即鄭裕柯），亦即Do姐鄭裕玲胞弟，親臨大劇院和大家見面。兩位主角均是久未露面，朱虹姐在拍畢該後便沒有再接拍任何電影；Peter更在完成拍攝後遠赴外國讀書，再也沒有繼續參與電影工作，所以他倆的出現非常難能可貴。
會上兩位演員分享當年拍攝感受，朱虹姐笑說：「我請咗Peter做我代言人，我連代言費都俾咗，所以佢要講埋我嗰份。」Peter緊接說：「媽咪叫到冇辦法啦，我感受都好深，因為呢套電影對我嚟講可以話係一個遺憾，點解咁講呢？因為係拍完電影之後，我就要離開香港去外國留學，始終冇機會係大銀幕睇呢套電影，依家過咗成40年，終於今晚適逢有咁嘅機會可以睇到，仲係4K修復版，所以覺得好特別，而且仲可以同廣大嘅朋友一齊共聚一堂，我感受好有意義。」
至於拍攝點滴，Peter說：「好似呢排天氣咁，嗰陣時都經過咁嘅天氣，都係好熱好辛苦，呢個係其中一種經歷，拍完電影之後覺得好滿足，覺得完成咗一件事，對我人生嚟講都係一個好特別嘅過程，呢件事我會Keep In Memory。」朱虹姐憶述：「最難忘的事是導演方育平沒有太多劇本，很多時也是即場才想出來，但又沒有對白，只是叫我們自己講，方育平便接着拍，而我們的習慣是熟讀了劇本才拍攝。」
