衛詩雅（Michelle）明年結婚，剛在華鼎獎封后，事業愛情兩得意，她早前去關智斌（Kenny）《前面是新的歲月記得走下去》爆花彩膠唱片簽名會前，快閃跟概念店相隔幾個舖位的英皇鐘錶珠寶羅素街店。
二人到達店舖，看到自己在店內的大型廣告相片，不禁大讚「好靚」，Michelle表示前一晚在等待電影《破·地獄》謝票的空檔，看到店外及店內換上二人的廣告相，立即影相兼拍下send給Kenny，並大讚拍得十分漂亮。來到珠寶店，將於明年二月舉行婚禮的Michelle順道看看心水首飾，不過原來老闆楊受成博士早有準備，「我買咗樣嘢送俾你做結婚禮物，但你一定要結婚嗰日戴！係鑽石。」Michelle大呼感動兼多謝老闆，指鑽石頸鏈跟她的婚紗十分配襯，又笑言：「我老公都冇送過咁貴重嘅禮物俾我。」楊博士笑問：「我想問，你老公會唔會呷醋先？」Michelle表示：「唔理㗎啦，唔理佢，唔理後果，哈哈。」除了Michelle，楊博士又贈送Kenny一塊算盤形的金牌頸鏈，Kenny亦十分識做說：「戴住佢一世行運呀！多謝老闆！嘩！好墜手呀！」當Michelle為Kenny戴上金牌時，發現金牌原來是一個金算盤，Kenny即謂：「老闆知我孤寒，知我喺度計數！哈哈。」
逛完珠寶店後，Kenny便到concept store舉行簽名會，這次輪到楊博士驚喜現身，Kenny一看到楊博士，即叫同事拿唱片出來打算簽名送給老闆，「最大嘅fans，第一隻要簽名嘅碟，要俾老闆。」不過楊博士竟然拒絕，笑着說：「我唔要、我唔要呀！」慘食檸檬的Kenny問：「做咩唔要呀？你知唔知出面炒得好勁呀老闆！」楊博士「未有理會」邊走向舖頭門口邊說：「俾啲fans、俾啲fans。」十分搞笑。
雖然簽名會舉行當日正掛起三號風球，不過仍無阻早已登記了的四百名fans等候，不少fans亦向Kenny送上「別出心裁」的禮物，包括運程書、鑊鏟廚具、Kenny半裸爆肌電話殻等，令Kenny哭笑不得，「呢個手機殼點樣出街用㗎 ？啲人會話你變態喎。」
