陳家樂和連詩雅的地下情最終開花結果，坊間對家樂求婚成功一事都送上祝福，一向同家樂friend過打band如同家人的衞詩雅Michelle，目前身在新西蘭工作，上載了一條家樂多年前向其三歲姪女星星的求婚片段，家樂仲幫星星戴上訂婚戒指，Michelle留言：事情是這樣的……星星從此不相信男人。相信Michelle突然翻舊帳，是因為家樂向連詩雅求婚一事，觸動了星星的情緒，星星阿媽都忍唔住留言：阿媽見到都覺得有少少心酸，所以Michelle留言都要加多句：真係唔好呃小朋友! 賴皮的家樂竟然留言：咁你都keep住!
星星曾經參與《不日成婚》飾演談善言和朱栢康的女兒，雖然「未婚夫」家樂結婚了，新娘不是自己，心靈受到傷害，但星星生得咁靚女，唔憂嫁唔到好老公嘅！
