前TVB藝人陳積榮（Jeff）去年宣布患上第四期肺癌，雖接受治療，但可惜病情每況愈下，於5月不敵癌魔病逝，終年38歲。
陳積榮
陳積榮同女友Lillian拍拖十年，Lillian喺Jeff抗癌期間不離不棄。Lillian為延續Jeff遺願，將以個人名義舉行《記住我們、好好說再見》展覽。Lillian表示Jeff生前願望好簡單，只係想一齊相擁而眠、飲茶同睇日出。另外，Jeff亦希望自己嘅成名作可以出街，所以Lillian希望透過今次活動，令更多人認識Jeff，除咗知道佢係一位抗癌勇士外，亦可以了解更多佢嘅生前點滴，不論係生活定係演藝事業，傳遞「愛得及時」信息。
陳積榮
Lillian認為自己同Jeff做到「愛得及時」，大家都無憾無悔，所以自己可以用欣然嘅角度嚟籌備展覽。這次展覽完成了二人的願望，因為Jeff當初希望以gathering形式舉行他與女友的婚禮，而策劃展覽嘅過程也是Lillian的自療方法，希望他們的故事可以感動到身邊人，用最簡單的方法呈現愛。
《記住我們、好好說再見！》展覽將於8月27日至30日在中環Annex舉行，入場費用全免，關心Jeff嘅影迷可以在下午三點半至五點半到場參觀。
圖片來源：陳積榮＠Facebook
