江美儀與吳君如胞弟吳君祥拍拖11年，愛得甜蜜的兩人一直以男女朋友相稱，2018年美儀宣布與男友已分手兩年，其後對方爸爸夏春秋爆出二人早於2006在西雅圖註冊結婚，雙方一直沒就離婚一事作公開回應。美儀近日卻在和林盛斌（Bob）主持的無綫J2節目《Mean Talk》中首度剖白，跟嘉賓「豹哥」單立文和滕麗名訴說失婚之痛，憶起往事美儀更不禁當場灑淚。
豹哥提到美儀當年獨自承受傷痛，他捉着對方的手說：「我哋真係好關心你，但又唔敢去騷擾你，驚會觸動你好多情緒，但又驚你頂唔順，我覺得你自己承受好多嘢，唔會同我哋講。我覺得你點解咁傻，孭起咁多嘢呢？同我哋講吖嘛！又唔係唔熟！你知唔知啫？」而滕麗名亦有在旁安慰。美儀哽咽道：「我冇嘢㗎喇而家……我都唔知可以同邊個講吖嘛……有時兩個人相處，去到要離婚，未必係一件事發生咗，可能係一路積累，積累到覺得，我嘅人生係咪應該繼續落去。兩個人傾完之後覺得，可能分開仲好啲喎，所以最後就分開。其實你哋知嗰時已經好後，呢件事已經發生咗好耐。」
美儀續說自己不是大家想象中堅強，「連經理人都話我唔識release（釋放），樣樣嘢自己去吞晒，唔好見我咁tough（堅強），獨自承受，我都有人蝦，我情願自己就算，其實表面好似好開心，但我唔係真係咁開心。」她坦言疫情期間工作量減少，會憶起傷痛的經歷，「現在我很感恩，工作變多了。」
部分圖片來源：my TV SUPER(www.mytvsuper.com)
