大台新劇《七公主》將會提前至8月9日（星期一）晚上8點半推出，劇中需要落場打真劍嘅演員幾乎全部都係運動精英，除了本身是籃球好手的鄺潔楹（Judy）外，之前在無綫節目《明星運動會》拳擊項目中表現亮眼的李君妍亦會有演出，其運動實力亦不容忽視。
背負功夫新星之名的李君妍、身高165cm，很多運動也難不到她，包括最近解鎖的新技能空手道、籃球、拳擊、羽毛球以及健身等；如此好動，難怪身形亦保持得宜。劇中飾演Judy死對頭暨劍擊好手的她，與Judy一樣為了演好角色，專誠於劇集開拍前接受了為期四個月的訓練；期間更與Judy跟隨教練Patrick與一名劍手參加了劍擊團體比賽。獲得落場機會的君妍，成功從有經驗運動員身上得分，在場人士均不知道她只是接受了兩、三個月訓練的新手，最終君妍團隊在比賽中獲得第三名。
君妍亦有將練習片段上載IG，片中所見她不但拿劍前前後後的揮動，更單腳站在半圓平衡球上訓練平衡力；君妍受訪時，直指劍擊是非常講求肌肉力量及耐力的運動：「如果各方面唔夠強大，就會比較吃力，可能自己平時都有做運動習慣，會有少少幫助。但學劍時間始終有限，密集式一個禮拜練幾日，身體都需要慢慢適應，幸好有教練悉心指導，教識我箇中道理，咁學習有難度招式或技巧時就易點上手。」問到難忘場口，君妍謂：「有場我同Judy比賽場口，當時我們親身上陣，好開心好順利完成了所有動作；有些鏡頭仲要係慢動作，所以一定要教練收貨、要完美完成才可轉下一個鏡頭。」
