龔嘉欣工作忙碌，有朋友想為她介紹對象，也無暇應約。
龔嘉欣今日（7日）出席護膚品牌活動，她表示於劇集《企業強人》飾演方芳，獲得不少廣告客戶垂青，雖然劇集播畢，但依然工作接踵而來，大概已接了十多個廣告代言，商演及直播帶貨，「因為角色多咗好多工作，例如保險界，保健品同護膚都有，可能角色比較正能量，令大家都好喜歡，遲啲仲會主持飲食節目，真係無諗過角色幫我咁多，每一日都好忙，連朋友約會都無時間，暫時都想衝事業先，有得做就做。（無時間拍拖？）係呀，今日朋友先約我食飯，想介紹對象俾我，大家都很緊張我感情，雖然我就快35歲，但保養都好好，所以都想事業行先，不過我都認同要打開自己，認識多些新朋友。」
龔嘉欣對於演技被讚，感到好開心。
自言入行16年，一直獲公司重視，「之前撞到樂小姐（樂易玲），她都幫我事業上計劃一啲嘢。（攞今年視后？）唔知呀，我無問，但我會落力拉票，大家都讚我演得好，雖然做了16年，但俾人讚都好開心，用成績去表現給大家看，但最緊要努力賺錢，都想可以做廣告女王。」
更多現場圖輯：
