對上一次《兒歌金曲》節目已經係2009年播出，相隔12年，《兒歌金曲》今年終於強勢回歸，TVB動員近二百名表演嘉賓、表演團體及台前藝員同事為家庭觀眾獻上一個充滿回憶及歡笑的晚上，節目將於9月4日晚（本周六）晚上八時半至十時半播出。
為此製作組早前專誠舉行了「我最喜愛的兒歌」投票活動，得出結果後，再四出聯絡歌曲原唱者現身節目表演，亮點處處。是次大騷其中一個宗旨，是希望家長與小朋友安坐家中欣賞經典兒歌的同時，亦能因而增加互動，故其中一個環節邀請了朱凱婷（Heidi）及莫家淦分別帶同女兒林穎彤及兒子莫朗翹，獻唱《我係小忌廉》及《超人的主題曲》。
現場所見，穿了「公主母女裝」的朱凱婷與囡囡默契十足，二人連環做出多個合拍度高的可愛表情及動作，贏盡焦點。事後問朱凱婷女兒是否很有表演天份時，她笑謂：「其實由囡囡細個開始，我哋就成日一齊喺屋企載歌載舞！其實都幾開心囡囡到咗呢個年紀，都仲好享受同媽咪一齊唱歌表演，所以我好珍惜大家一齊上台嘅Moment。囡囡今次係專登為咗陪我而學唱《小忌廉》，所以對我嚟講係好珍貴嘅回憶，好似將我細個鍾意嘅兒歌傳承咗畀佢咁。」Heidi又透露囡囡有參與是次髮型設計部分，二人專誠剪了齊蔭頭再加鬈曲髮馬尾配合襯番小忌廉。至於莫家淦囝囝雖然較怕醜，但在爸爸帶領下，仍能成功完成多個表演動作，精靈乖巧。
至於網上投票「我最喜愛的兒歌」，冠軍得主由歐倩怡《問題天天都多》，得獎後她接受訪問時表示自己17歲唱呢首歌嗰陣絕對估唔到呢首扈歌會咁長青，可能fans都變成爸爸媽媽。另外，她覺得香港近年甚少推出本地兒歌，若果再有人搵佢唱兒歌，佢一定唔會拒絕。