第三度公演的音樂劇《利瑪竇》前日（28日）上演尾場，一連八場的公演吸引了鍾楚紅、姜大衛與太太李琳琳、羅蘭、薛家燕、韓馬利與丈夫杜燕歌、陳友、譚玉瑛、黃浩然、朱晨麗、譚永浩及杜小喬等到來捧場。
男女主角王梓軒與陳潔儀率領眾演員謝幕，藝術總監劉松仁亦緩緩現身幕前，看到台上傾力的演出與台下滿滿的支持，松哥感動落淚，先後向觀眾及身後的眾人鞠躬致謝，他說：「要多謝你哋，我希望喺《利瑪竇》呢條路上面，我哋尋覓到更多同類，攜手同氣，多謝你哋！」梓軒亦在台上發接感言：「第三次公演相隔咗4年，世界發生咗好多事，令我哋唔可以咁容易，但係我哋都堅持，而大家都仍然喺度，呢個好難形容，感恩。有大家咁多嘅支持，相信我哋可以繼續行落去。」
慶功宴上，王梓軒與陳潔儀分享他們的感受，他們指三次公演共演出28場，這個紀錄對於他們來說很瘋狂。陳潔儀說：「呢刻嘅心情都有啲複雜，唔捨得亦係放鬆咗嘅，因為呢個劇其實都幾辛苦。因為我有騷要做就唔可以好放鬆，依家終於可以放鬆啦。」王梓軒接着說：「呢次公演大家都成長咗少少，個故事入面講嘅嘢，我哋都明白多咗，所以有好多場口，我都唔使做戲，每次我見到佢嘅時候，自然就有個感受，我唔需要去創作，呢份友誼、呢份照顧係真實嘅，每次佢摸我個頭，我就會即刻標眼水。」陳潔儀笑拍他有時候像小貓，又認為做舞台劇需要照顧對手，同時要互相信任。
