許俊豪（Lincoln）在無綫劇集《你好，我的大夫》飾演張醫師，大學時期已暗戀嘉應（蔡思貝飾），在清勁（何廣沛飾）離開嘉應的十年間，一直在女方身邊擔任小天使角色，明知嘉應多年來仍心繫清勁，依然對嘉應不離不棄、大小事務照顧周到。近日張醫師暖男指數升級，眼見清勁與嘉應仍深愛對方，張醫師表面上雖看似誓要與清勁一爭長短，但暗地裏卻幫「應勁」化解誤會，除大方借出鎖匙，讓清勁直入香閨照顧生病的嘉應，又主動介紹生意給嘉應助六君子醫舍度過財困。
昨晚（3日）一集，張醫生鬧爆清勁當初拋下嘉應何等不負責任，並點醒清勁應提升能力值成為嘉應的好歸宿：「枉你仲想追返嘉應，你淨係識講理想咩都做唔好，我點可能將嘉應交俾你。」十足韓劇中經常出現的完美男二，永遠悲劇式的付出卻得不到女主角青睞。
對於角色吸正評，Lincoln自覺還有很多進步空間，並謂主要是監製及編劇功勞：「多謝觀眾鍾意呢個角色，亦多謝監製同編劇寫咗一個咁完美嘅角色。我知都有網民係咁講話，嘉應點解唔揀師兄，其實大家睇到大結局，就會知道我哋最後嘅結果喇！」
