HOY TV選秀節目《就是青春》，明晚（5日）播出第五集，繼續進行第二輪淘汰賽，並由關心妍、「YOUnion」團長陳柏宇擔任「星級樂迷」，點評參賽者表現。其中曾琸庭（Alice Tsang）、梁樂童（Stephanie）和林曉蕙（Candice）被製作組安排以「期間限定女團」形式上陣，過程中三女爆發內訌，她們更自嘲為一盤散沙、毫無團隊精神。
明晚播出的節目中，三女的「期間限定女團」以組合形式上場，並由梁樂童負責主唱；曾琸庭和林曉蕙負責跳舞，但三女對此安排唔係咁like，認為將佢哋夾硬湊在一起，三女都認為大家毫無團隊精神，十足一盤散沙。備戰過程中，梁樂童仲話自己大喊咗一餐，「直至綵排前一日，練舞練到凌晨，我大喊咗一餐，大家氣氛情緒都好低落，我係企定定唱，佢兩個好似dancer咁，完全唔似一team人，佢兩個都講咗幾次話覺得我哋今次會輸。」三女一直互怨！
以Serrini嘅《網絡安全隱患》出戰，雖然三人賽前認為一盤散沙，但比賽期間表現頗出人意表，關心妍話：「覺得Stephanie（梁樂童）聲音好好聽，但係要俾多啲表情，而整體表現好fresh、好young。」至於陳柏宇則大讚：「今日表演比我想像中好好多，無咗Alice（曾琸庭）、Candice（林曉蕙）似dancer嘅感覺。佢哋俾到感覺我，係好enjoy個舞台，同埋帶動到氣氛。」
另外，劉庭君（Midori）亦有出戰，唱出容祖兒嘅《桃色冒險》，以古典造型上陣期間還準備跳扇舞。由於排練時間緊迫，自感表現十分差以及疲倦，期間更一度流鼻血，當製作人員問她（Midori）為何這麼疲倦？「YOUnion」成員之一的曾樂彤即駁嘴：「佢都冇瞓覺，啲嘢好趕，排舞排到凌晨，又要返學。兩日前我都已經見佢攰，但今日佢已經係到臨界點。」Midori造型獲其他參賽者大讚好靚、有壓場感，關心妍指《桃色冒險》十分難駕御和妖艷，指Midori感覺要再多少少。
至於自小便希望成為偶像的曾琸庭（Alice Tsang）出戰跳舞回合，受訪時一度表示即使家人反對自己向演藝路進發，她都會堅持她的夢想。表演加插多個高難道動作，獲關心妍大讚自信十足，但Alice將面臨隊員被淘汰，突然即場落淚，表示好想留住每一位。