《聲夢傳奇 2》明晚（10日）播出新一集。本集焦點有兩大總監對決，為了配合愛將XiX，Eric Kwok搏老命陪跳舞兼挑戰高難度動作，對他來說更是前所未有的嘗試！Eric自稱8年沒有涉足舞壇，因此全程勁焦慮，更不斷向鏡頭放負：「好擔心學唔切」、「死喇，好驚呀」、「點解我要出嚟？總監唔應該咁辛苦㗎喎」，練到出晒汗的他更「懺悔」指下次不應對XiX這麼嚴厲。
經過一個月的苦練，Eric終於在舞台大曬「舞」功，大跳Jazz funk、Girls Hip Hop及Popping，配以XiX成員先後做出側手翻等動作，成功炒熱氣氛，Eric跳完更眼眶通紅。而同為資深音樂製作人的譚國政和舒文分別說：「Eric睇落好有郭富城感覺」、「呢個表演精采、Entertaining係大家依家好需要嘅嘢」。
至於有「聲夢魔王」之稱的Janees則愈戰愈強，她與Hanjin合唱《閉目入神》，除聲線與Hanjin完美融合，後段鬥飆高音部分更是聽到令人毛管戙！二人是次還挑戰帶點Trap（嘻哈風格）的情歌，雖然事前Janees大呻要清晰Rap出侵略性歌詞難度極高，但經過每日逐句歌詞反覆練習後，她最終成功與Hanjin上演Cool爆「情侶罵戰」，甚有火花。唱片監製周錫漢大嗌好「正」，譚國政認為二人夾到「可以出歌」，作詞人黃敬佩則大讚Janees真正超越了自己：「我冇見過你咁嘅唱法，今次係啱啱喺中間恰到好處，唱得好好。」作為總監的Hanjin亦大讚Janees：「我哋需要高手去救呢個行業（樂壇），呢個好可能就係明日之高手。」
