「忙內」起步遲？ Tiger邱傲然：要有自己態度│邱傲然專訪

亞洲

2 天前

撰文：劉家倫攝影：伍敏慧

男團MIRROR成員今年陸續各自出solo，繼姜濤、陳卓賢、李駿傑、江熚生與盧瀚霆後，「忙內」（年紀最小成員）Tiger邱傲然亦推出第二首個人單曲《Live The Way I Want》。

今年只有二十五歲的Tiger，看似是隊中較遲起步，但在MIRROR成軍七年的時間，他的「履歷」並不簡單，除了曾為團歌《破鏡》擔任MV導演外，更獲「鮮浪潮」邀請拍攝短片《是日精選》，唱歌、跳舞、拍劇與綜藝都見到他的身影，Tiger更加「勇」字當頭，夠膽公開談及MIRROR「上下弦」，他是第一人。

「你好。你知道我的名字嗎？你知道我在做甚麼嗎？你聽過看過我的作品嗎？如果答案是不知道與沒有，期待你在下次下判斷之前，再聽一次這首作品。至少，我的作品就是我的活着之道。」

以上是Tiger新歌《Live The Way I Want》的文案，他是想說明︰「T-I-G-E-R，邱傲然就是邱傲然。」

Tiger新歌《Live The Way I Want》MV造型

MIRROR成軍七年，不時有人將十二位成員分為「上弦」及「下弦」，上弦工作機會不斷，下弦則常被忽視，不論「鏡仔」或「鏡粉」，「上下弦」一直是一個被視為忌諱的話題，不過Tiger就是第一個打破這個禁忌，公開談及「上下弦」之說。

MIRROR今年成軍第7年，除了繼續推出團歌和開騷外，12子也會各自尋找屬於自己的方向。

最大改變講多咗嘢

二O二二年，Tiger獲導演及「鮮浪潮」主席杜琪峯邀請，擔任「鮮浪潮電影節」的頒獎嘉賓，負責頒發最佳攝影獎項，就在頒獎前，Tiger的三分鐘自我介紹演講，感動了現場觀眾，也感動了網民，當時他直言MIRROR有很多工作機會，但大部分都是屬於「上弦」，「MIRROR有十二個人，多人識的叫『上弦』、冇乜人識叫『下弦』，所以佢哋好少搵下弦嘅人拍戲……譬如Tiger、Alton、Frankie……有見及此，我今日嚟係尋找工作機會嘅！大家好，我係MIRROR下弦嘅Tiger。」

三年前，Tiger擔任「鮮浪潮電影節」的頒獎嘉賓，期間Tiger的三分鐘自我介紹提及MIRROR「上下弦」論，獲網民大讚有型！

時隔三年，Tiger的新歌，當中亦有包含「上下弦」的意思，Tiger解釋︰「有自己喜歡做的事，先會做得開心！我覺得呢首歌嘅核心思想，其實有啲似我嗰陣喺『鮮浪潮』講嘅嗰番說話，就係想表達，其實你去批判一樣嘢，去評價一樣嘢嘅時候，你對嗰樣嘢有幾了解呢？你要批判係冇問題嘅，但可以先去了解一下嗎？之後你真係唔鍾意，咪由佢囉！」

Tiger說，新歌指的是要過自己嚮往的生活，一場人生，有很多機會都是相當難得，既然如此，更應該去做一些自己喜歡的事，毋須介懷這個世界怎樣看待你，「要有自己態度，我覺得依家我可以做到我鍾意嘅嘢，又係一個職業，呢件事已經好自在、好幸福！我可以有新挑戰，我又唔使好取捨要做啲乜嘢，可以自在咁做，我覺得已經係好幸福一種生活。」問他最近宣傳新歌會否太忙？Tiger馬上笑說︰「唔會太忙，我好多時間嘅，可以搵我做嘢㗎！」

在男團發展的頭五年，Tiger較其他成員遲起步，經理人「花姐」黃慧君曾在節目表示，因為Tiger性格太禮讓，不夠主動積極。問Tiger這幾年間有甚麼改變？他說︰「改變呢，可能最大改變就係我講多咗嘢，呢個係最直接最明顯改變！其實我未試過一日內，一個人做咁多個訪問，通常都係一班人或者幾個人，通常我都係坐埋一邊，影到我嘅時候，我就講兩句，好容易就過咗個訪問，但今日唔係，我要自己由頭帶到尾，一個人做咁多個訪問，呢個係我人生第一次；至於主動，我覺得主動個位唔同，我個主動係我俾多咗心機練嘢、諗多啲嘢想去做，然後真係有作品出嚟俾人睇到，我覺得可能係呢方面會主動咗！」MIRROR第二小隊Jer x Ian x Stanley x Tiger，將於四月在西九舉行兩場戶外音樂會，這首新歌，Tiger亦是刻意為Live Show炒熱氣氛，而創作一首搖滾曲風的歌曲。

Tiger曾獲「鮮浪潮」邀請拍攝短片《是日精選》，更試過為MIRROR團歌《破鏡》擔任MV導演。

與Jeremy都是潤滑膠水

其實Tiger當日參加《全民造星》跳拉丁舞時，留着一頭長髮已引人注目，在舞台上散發不少光芒。對於被指起步較遲，他說︰「點講呢，我覺得其實我哋十二個，呢七年其實都仲係一個探索緊嘅旅程，都喺度搵緊自己叻啲乜嘢、鍾意啲乜嘢，都搵咗幾年啦，但我相信都仲有好多嘢可以發掘，大家都想搵好多新嘅位，去突破下挑戰下，例如我哋嘅小組，我覺得其實都係另一個地方、另一個方向，俾大家去挑戰和發展。要做新嘅嘢，十二個人可能唔係咁容易做到，呢個都係非常之好嘅一個嘗試！點講遲唔遲呢（起步）？我覺得相對嘅，我自己又覺得唔遲，因為呢幾年我覺得係累積多咗，多咗經歷，因為MIRROR，所以我開咗演唱會，有呢個tour，我先至見到咁多人，我先儲到一啲自己睇法，或者我學到嘅嘢，再而推出到一啲作品俾大家睇，所以我覺得，其實唔好話遲唔遲。」

問Tiger在MIRROR中年齡最小，平日在隊中擔任甚麼角色？他說︰「我覺得我同Jeremy（李駿傑）個角色有啲似，因為大家都似乎係團隊嘅橋樑，可唔可以咁講呢？可能溝通上，每當有問題而挑起摩擦，我哋就好似大家嘅潤滑膠水，我哋都會講『你冷靜啲先』！」

Tiger畢業於浸會大學的電影學院電影製作高級文憑課程，二O一九年已擔任MIRROR團歌《破鏡》之MV導演、二O二三年執導鮮浪潮短片《是日精選》，該短片更成為第十七屆鮮浪潮國際短片節的開幕短片，其實Tiger周身刀，除了唱歌、電影、拍劇和綜藝都見到他的蹤影，他說：「其實好開心又好有成功感，無論幕前定幕後，我都好enjoy做呢樣嘢，演到一場戲，有觀眾或者有工作人員同你講『Tiger你真係演得幾好』，其實好有滿足感！觀眾睇到，其他人同你講，其實嗰個滿足感好大，所以如果有機會，我都好想可以做多啲呢方面嘅嘢！」