2017叱咤頒獎典禮圓滿結束，今年可謂李克勤同本地樂隊ToNick嘅豐收年，是晚表演嘉賓亦非常精彩，先有謝霆鋒打頭陣，後有陳奕迅演唱配合林海峰嘅獨白。
2018年1月1日對香港歌手真係別具意義，因為今晚就係一年一度嘅叱咤頒獎典禮。對於霆鋒嘅歌迷而言，今日都係大日子，因為霆鋒唔單止係2017叱咤頒獎典禮現身，仲同Supper moment一齊唱廣東歌，仲要係最經典嘅〈玉蝴蝶〉同〈活著VIVA〉！從片段可見，霆鋒唱歌仍然火力十足，完全冇因為鑽研廚藝而生疏呢。
空穴來風，事必有因，霆鋒今晚抽空係叱咤做表演嘉賓，好大機會係為2018重返香港樂壇而鋪路，各位樂迷可以悉目以待啦。
本地樂隊ToNick今年憑〈長相廝守〉一曲吐氣揚眉，橫掃多個頒獎禮獎項。
今年轉新公司嘅許廷鏗靠〈神奇之旅〉，向家人致謝時仲忍唔住喊出嚟，「唔好以為睇牙醫好貴，但養大一個牙醫仲貴。」
至尊歌曲大獎由由頭帶到落尾嘅李克勤〈失魂記〉獲得，入行三十年嘅李克勤真係大嬴家！
組合金獎和我最喜愛組合由Supper Moment獲得。
衛蘭首次獲得女歌手金獎。
李克勤以大熱姿態獲得男歌手金獎，他在台上致詞時不忘多謝校長譚詠麟並自嘲自己係八十年代嘅人，更將自己比喻為不常獲獎的奇連伊士活，但係你點會唔夠資格係呢個台拎呢個獎同叱咤樂壇呢！
至於是晚主要得獎歌手如下：
男歌手金獎：李克勤
男歌手銀獎：陳柏宇
男歌手銅獎：側田
我最喜愛男歌手獎：陳柏宇
女歌手金獎：衛蘭
女歌手銀獎：Gin Lee李幸倪
女歌手銅獎：王菀之
我最喜愛女歌手獎：方皓玟
組合金獎：Supper Moment
組合銀獎：Rubber Band
組合銅獎：C AllStar
我最喜愛組合獎：Supper Moment
至尊歌曲獎：李克勤〈失魂記〉
我最喜愛歌曲獎：ToNick〈長相廝守〉
圖片授權：ViuTV
影片授權：ViuTV