溫碧霞（Irene）近日忙於拍攝電影《墮落花》，並擔正做女主角，為咗有更好嘅精神狀態，Irene特別向劇組申請假期叉電。Irene今次撇下囝囝Xavier，與老公Kenny飛抵東京享受二人世界，兩個人齊齊浸溫泉、賞櫻花及觀望富士山。
Irene表示此行主要想睇櫻花：「我哋去咗睇富士山，滿街都開滿粉紅色櫻花，以及好多不同顏色各式各樣好靚嘅鮮花，靚到我同Kenny忍唔住手不停影相。」
佢又話呢幾日東京天氣非常好，舒服到不得了，最開心係清楚望到富士山：「當地人同我地講，睇到富士山係會帶來好運，我哋好好彩。」
假期後，Irene繼續為劇組搏殺：「辛苦工作一輪，一定要幫自己充下電，再繼續努力工作。我覺得自己最幸運有個好老公，喺我工作最辛苦時，他會陪我放鬆叉電。Kenny不單止係我老公，仲係我的紅顏知己。」
