靚媽關心妍 (Jade) 上周二（23日），精心為囡囡楊榮心（心心）安排咗一個麵包超人生日派對，氹得心心非常開心。與囡囡生日相隔一星期嘅Jade，日前就同老公楊長智（Jonas）去日本慶生，享受二人世界。
今日（31日）係Jade嘅正日生日，佢開心分享片段，並寫道：「二人世界的生日快樂，謝謝你， 一切的安排給我一個愉快40大壽之旅! 」見Jonas為Jade唱生日歌，又向老婆送吻，相當Sweet！
踏入「big 40」嘅Jade又留言：「細個嘅時候喺度諗我四十歲先會嫁人估唔到（三十歲嫁咗37歳生囡囡），四十歲可以有一番成就兩感恩（做到歌手），四十歲可以為世界帶來多一點愛所以 （創立咗妍亮生命慈善基金）四十歲找到餘生同行愛我和我愛的人。四十歲信念不變信仰不變。感謝主！感謝身邊愛我扶持鼓勵幫助過我的人因為有你們才成就40歲精彩的我。」
圖片來源：關心妍@Instagram