張繼聰（阿聰）成日用社交平台同眾粉絲分享張氏家庭樂，噚晚佢又upload新相大曬強勁臂彎抱住一對寶貝囝囡。
從照片中可見阿聰雙臂非常有力，唔單只用右手抱着囝囝張瞻，仲同時用埋左手抱起囡囡張靖。
兩兄妹見到爸爸咁Man，都忍唔住齊齊獻吻，廿四孝爸爸阿聰都表現得既幸福又陶醉。再睇真少少，原來哥哥係好肉緊咁吻阿聰；而妹妹個小嘴就只係輕輕踫着爸爸面頰，妹妹不「給力」的表現，令阿聰不太滿意，他留言說：「哥哥真心，妹妹借位。」
有網民看相片後留言「女仔怕鬍鬚拮，快啲剃鬚包佢用嘴錫你」，又有人指妹妹望住哥哥，似乎比較想吻哥哥，亦有人認為妹妹是欲擒故縱，在吊爸爸胃口。
圖片來源：張繼聰@Instagram