張彥博今日（16號）在社交平台上載了一條《玩到無嘢好玩系列》的懶人做gym短片，由他飾演健身器材，化身沙包和啞鈴俾李日昇任打任舉、又扮大繩俾郭子豪任fing等，郭子豪仲孭住阿博做引體上升，阿博個樣好梳乎咁，唔使郁就做到運動，但佢就話有苦自己知，阿博說：「其實扮咩都唔好玩，做啞鈴其實好攰，好辛苦，唔好以為唔使用力，孭嗰個更辛苦，因為要用力箝住嗰嚿嘢。」
阿博話李日昇是他藝訓班的同學，與郭子豪都是他的健身教練，只要有時間，他們就會在健身室度過，問阿博是否想練大隻操胸肌腹肌，他說：「當然想，因為大隻咗可以孭起更多不同的角色。」
圖片來源：張彥博@Instagram