【停課日】陳茵媺仔女寓遊戲於學習

受武漢肺炎疫情影響，全港學校延至3月2日復課，相信唔少同學仔喺屋企都悶到發慌。而陳茵媺（Aimee）專程為仔女搵節目，一拖三到沙灘玩樂，佢仲教三個小朋友好好善用時間，讓佢哋寓遊戲中於學習。

Aimee昨日（2日）喺IG分享多張照片，見小朋友們用工具堆沙，玩得不亦樂乎；妹妹Camilla掘到一塊心形珊瑚，興奮得高舉留影。

相中又見Aimee同4歲嘅二仔Nathan齊齊拎住一碌竹，而沙上就寫有一個中文字，Aimee留言：「你知道Nathan用竹寫了什麼字嗎？提示：是身體的一部分。他還寫了一個『陳』字，但可惜沒有影相。」網民都大讚靚媽教導有方，同時希望Aimee一家健康快樂。