【催眠裁決】張兆輝廣州宣傳新戲 加開謝票場滿足粉絲

張兆輝、張家輝及王浩信近日到廣州出席電影《催眠‧裁決》見面會及謝票。三位型男來到廣州宣傳，大受影迷歡迎，現場迫得水洩不通，有不少粉絲高呼「我要被催眠」，令現場氣氛升溫。

當晚電影公司安排見面會後，有謝票場，但有不少粉絲遠道而來，買不到謝票場門票，非常失望，粉絲們唯有向偶像求救。錫粉絲嘅輝哥，為免令粉絲們失望，輝哥隨即提出加開一場謝票場，「粉絲咁遠嚟支持我，我當然唔想佢哋失望，我唔介意謝多一場，宣傳也非常開心，因為佢哋原本都想加開多一場，但怕演員個期唔得，所以唔敢講。」當晚加開那場謝票場，門票亦火速售罄，全院滿座，有馬來西亞粉絲知道輝哥喜歡飲咖啡，當晚更買了一大袋咖啡送贈偶像。