黃秋生56年來首次與兩位同父異母哥哥見面
影帝黃秋生多年來甚少談論私人生活，而他的成長背景甚至是一個謎，大抵只能從他的外觀、言語間得知他是一位在香港成長混血兒。早前秋生接受外國媒體訪問時，罕有地大談自己的身世和成長背景，並希望透過訪問和照片找到自己的親生爸爸。而這個尋親故事終於有下文，原來秋生有兩位喺澳洲成長嘅同父異母哥哥，至於他們的爸爸則早已回歸天家。
大忙人秋生喺百忙之中都去機場接場，真係誠意十足。
兩位哥哥意外睇到媒體報道後，一眼就認出秋生黑白照相中人是他們的親生爸爸。經過媒體協助後，兩兄弟決定搭飛機嚟香港同秋生相認。秋生知道消息後覺得非常興奮，仲親自去到機場接機：「好開心，點會發生喺我身上？知道消息嗰刻好似被雷劈，唔知有咩反應好。我見到佢哋唔覺得陌生，感覺好熟悉。通過佢哋我知道咗好多我爸爸嘅嘢，亦知道點解我會有啲特別行為。呢件事令我覺得自己改變了，好像被喚醒了，發覺世上還有事物令我感到開心。」而兩位哥哥則表示好開心可以見到秋生呢位親弟弟，好似完咗一個人生遺憾一樣。
幾張黑白照成為這次千里尋親的關鍵
睇完秋生呢個長達五十多年的尋親故事，唔通仲唔信萬物冥冥中自有主宰咩？所以話做人最緊要對未來抱有希望，只要一日活着，一日就有希望。
呢三兄弟睇落真係幾似，難怪可以一見如故
圖片來源：BBC