鄭太陳凱琳今日又出嚟喇！昨晚同老公鄭嘉穎由峇里返香港，今日就急不及待出席品牌活動，當然又再次成為傳媒訪問對象，雖然今晚老公不在身邊，但Grace依然難掩新婚的喜悅，外間雖然一直傳她懷孕，但身穿一襲鮮紅色貼身晚裝的她腹部未見隆起，被問到求婚過程時，她仍回味：「去年十二月返加拿大的時候，他在飛機上求婚，都有跪地，但其實經濟艙個位好窄，好笑，好sweet，因為長途機都想快點瞓覺，但佢話唔好瞓住，等埋佢一齊瞓，但佢去洗手間先，當時我都沒有特別去想會發生什麼，他去洗手間我就瞇埋眼，他回來就叫我開眼，一開眼佢就跪在我面前，感覺很sweet，自己都有感動都喊，因為我很眼淺，估唔到給我咁大驚喜，平時什麼都會講晒出來，沒有太多驚喜，所以今次覺得他很用心。」
至於被問到習慣鄭太身份未？「有點『生外』，慢慢會習慣，不過聽到都很開心。（嘉穎有改口叫你嗎？）都係Grace囉，有時都會改口叫我鄭太，我諗佢都係玩吓，我都會叫佢，點呀，鄭生，其實依家開始叫佢老公這份感覺有少少感動，有點起雞皮。」
至於再次被問到生B時，她說：「大家都有傾過，好想行這一步，看看如何安排和有共識。（是否不設防？）唔好問我咁尷尬問題，唔知點答！」她表示由於是次峇里婚宴屬於小型，邀請賓客有限，故打算回來後，待一班姊妹決定地點，她必定請客。