由溫碧霞（Irene）主演的電影《墮落花》備受關注，早前入圍今屆香港亞洲電影節「隆重呈獻」環節，而Irene還憑電影奪得「 The best movie icon」獎，上個月她專程飛抵越南，盛裝出席頒獎禮。
被選為香港電影界最具代表的標誌，Irene感到意外又驚喜：「我好開心呀， 完全冇諗到原來喺越南原來有咁多人鍾意我。佢哋同我講好鍾意睇我演嘅電影及電視劇，我依家至知原來喺越南有咁多粉絲，大家仲話我知，好多部經典電影及電視劇的經典角色大家都好鍾意，最受歡迎係妲己和海潮。」
Irene很喜歡越南這地方，順道與工作人員四出遊覽，品嘗美食。
問及Irene會否計劃增產拍電影或復出拍電視劇？她說：「我都係會堅持重質不重量，堅持有好劇本才拍，拍一部好電影及電視劇至係真係報答一直支持的Fans，我答應大家只要有好劇本一定會再拍電視劇。」
她又開心表示：「好多人睇完《墮落花》都讚我演得好，真係好開心，呢個角色對我來講係一個好大嘅突破，比人讚演技好，比讚我靚開心好多，哈哈！」