曹永廉同蕭正楠好好感情就好多人都知喇，不過成日互相整蠱、互寸又互揭對方醜態，兩兄弟今次主持節目《兄弟大茶飯》，自上周一（七月三十日）首播後反應熱烈。節目中他們炮製美食，突擊在TVB大小活動及探班，讓同事可以品嚐他們的手勢，非常有噱頭。
兩兄弟每集都有爆笑的互動，看得觀眾笑不攏嘴，本刊得到一條片段，是兩人於國內拍外景時，打算為劇組人員下廚，煮餸之前當然要清洗蔬菜，他們在附近找到一條河，驟眼睇都知唔太衛生，阿廉重話條河洗咩都得，洗衫及沖涼都可以，但都話照洗菜，反正不是他們吃，洗完之後，阿廉仲抵死，話對腳好焗，即場除鞋洗埋腳，唔知工作人員看完這片段播出街後，會有咩感覺？仲夠唔夠膽食呢？
