車婉婉與澳洲籍老公育有一名寶貝囝囝Justus Quinlan（BBQ）。轉眼間，BBQ已兩歲大，昔日怯生而且極度依賴媽咪嘅小男孩，而家開始變得勇敢，婉婉見到BBQ慢慢成長都感到相當安慰。
近日，婉婉忙於拍攝新劇，佢表示與囝囝相處嘅時間明顯少咗，不過卻令BBQ更獨立、堅強。婉婉早前分享BBQ爬繩網嘅影片，並留言：「默默向上爬，首度面對繩網嘅大隻仔BBQ先生面無懼色，表現『沙pork』，來來回回玩咗巧多次𠻹！」
見BBQ自己一手一腳爬上頂，非常叻仔！同時婉婉又留言話長期工作，擔心囝囝遲下會唔認得自己，「Q MaMa在天昏地暗拍攝之際，爭取到少少時間陪伴BBQ先生，非常珍惜，真係有D擔心佢遲D會連MaMa都唔認得，Working MaMa的憂慮。」
而婉婉噚日趁有空閒時間就帶BBQ同朋友仔玩樂，佢上載兩個小朋友嘅影片，寫道：「不能相信，BBQ先生好像大得太快，見到佢同好友Lucas自己搞生意開大排擋，有板有眼有思維，Q MaMa真係巧滾動。#孝順MaMa最重要 #都係想食您煮嘅麵見多您幾面。」
圖片來源：車婉婉@Instagram