記唔記得你上一次去相舖曬相係幾時？
相信唔少人已經冇咗曬相同印相冊呢個習慣，甚至乎忘記咗印刷刊物嘅浪漫。但原來前排先整完全家福月曆嘅陳茵媺（Aimee）係珍愛印刷品之人，啱啱佢係社交網post咗陳氏一家嘅2018相集，真係超有愛！
表示呢本180頁嘅陳家2018相集有超過2000張家庭生活照，為咗整呢本相集佢捱過無數夜晚。不過，當佢睇見成品送到手上，就忘記晒所有辛苦，覺得自己嘅努力同付出係非常值得。
有網民問整相冊有咩好處，喺電腦睇唔係仲方便咩？筆者相信你可能未試過唔記得電腦密碼（或壞電腦）搵唔翻啲相，相冊最大嘅好處係摸得到兼唔怕壞，就算冇電，只要一打開就可以同至愛開心Share，呢種浪漫真係電子熒幕無法取代。
圖片來源：陳茵媺＠Instagram