【姜濤演唱會】姜濤最想與小豬合作 「未Ready單飛發展」

處男騷

場外放滿姜糖致送的花籃

姜媽到場大受粉絲歡迎

Mirror成員齊撐姜濤

出道7個月的姜濤今晚（11日）假九龍灣展貿舉辦首個個人演唱會《姜濤一號種籽音樂會》，為了令姜糖們令更接近姜B，是晚演唱會以全企位方式舉行，而觀眾們亦冇嗌企到腳仔軟，仲同姜B一齊跳足全場！

Anson Lo擔任表演嘉賓

姜濤處男騷反應熱烈，記者問到姜B會唔會考慮單飛發展，佢話自己未ready，「我真係未諗過呢樣嘢，因為有好多嘢都係第一次，自己仲有好多不足嘅地方，所以仍然喺學習階段，現在最重要的事是做好演唱會。」

姜B亦向《明周》透露聽日準備咗個驚喜俾各位粉絲，至於到底係乜，就要暫時賣個關子。而問到佢將來有機會開紅館演唱會會邀請邊位嘉賓，姜B就笑住話想搵自己偶像兼「唯一朋友」小豬（羅志祥）合作喇。