出道7個月的姜濤今晚(11日)假九龍灣展貿舉辦首個個人演唱會《姜濤一號種籽音樂會》,為了令姜糖們令更接近姜B,是晚演唱會以全企位方式舉行,而觀眾們亦冇嗌企到腳仔軟,仲同姜B一齊跳足全場!
姜濤處男騷反應熱烈,記者問到姜B會唔會考慮單飛發展,佢話自己未ready,「我真係未諗過呢樣嘢,因為有好多嘢都係第一次,自己仲有好多不足嘅地方,所以仍然喺學習階段,現在最重要的事是做好演唱會。」
姜B亦向《明周》透露聽日準備咗個驚喜俾各位粉絲,至於到底係乜,就要暫時賣個關子。而問到佢將來有機會開紅館演唱會會邀請邊位嘉賓,姜B就笑住話想搵自己偶像兼「唯一朋友」小豬(羅志祥)合作喇。