溫碧霞（Irene）早前與老公Kenny到峇里度假後，她趁囝囝Xavier學校放聖誕假，一家三口飛往美國紐約跟老爺奶奶團聚，齊齊歡度聖誕及迎接新年。
Irene開心表示：「Kenny家人大部分都住美國，好多謝公司批准放假，我至可以同家人一齊慶祝聖誕，老爺、奶奶見到我哋咁齊整齊曬人好開心呀，連同Kenny嘅表兄弟妹，超過40人呀，好大家族，非常熱鬧，大家都玩到好開心，不過…..好快就要返香港啦，Xavier同我都唔捨得，希望暑假可以再飛嚟紐約探望老爺、奶奶，基本上每年都盡可能最少飛兩次見老爺、奶奶，幾忙都好，我哋好應該盡量抽時間陪老人家。」
Irene表示紐約天氣寒冷，家家戶戶的都會花心思佈置，具有濃厚聖誕氣氛。她又與親戚們到處四圍遊玩，一行二十多人參觀博物館，非常熱鬧！
總結過去一年，Irene感到十分滿意，「出咗又靚、口碑好好，又賣得好好嘅寫真集，又拍咗部好好嘅電影《墮落花》，入圍咗幾個大型影展，商演及廣告方面亦一直冇間斷過，最近更接了一個大型廣告，我對自己係過去一年嘅努力係好滿意，所以獎勵一下自己放一個長假，不過放完假後，2020年1月回來就要重新出發馬上開工，希望新一年祝願大家開開心心，平安健康！」