台灣天王周杰倫（Jay）一連十場的「地表最強2.0」演唱會昨晚終於落幕，Jay尾場與首場一樣，於演唱會尾聲唱出苦練多時的廣東歌〈浪子心聲〉。觀眾本覺得Jay唱〈浪子心聲〉驚喜不大，因為媒體已經一早報通天，但點估得到呢個時候華仔竟然會喺升降台出場，仲同周杰倫合唱〈浪子心聲〉同〈忘情水〉，實在喺尾場粉絲的終極福利！
劉德華自墜馬事件後便專心休養，連去年年尾的跨年演唱會亦決定忍痛取消。昨晚，久休後的華仔再次登上紅館舞台，華粉睇見點會唔覺得興奮，而今次喺上面同時見到兩位巨星演出，真係一世難忘。另外，今次華仔唔只「站起來」，仲可以「唱起來」，反映出華仔已經全面康後，隨時準備可以開騷，睇嚟各位華粉又要準備撲飛啦。
延伸閱讀：【最好的禮物】劉德華56歲生日 大曬5歲愛女DIY卡
邀請到華仔做表演嘉賓觀眾粉絲固然興奮，但原來周杰倫等呢一日都等咗好耐，「我已經盼這天盼了很久，每一次來香港開演唱會，誰不想請劉德華呢？」華仔聽畢也笑着回應：「我也是。」還續言：「每一次（開演唱會）想請他來，他都沒來。」周杰倫一時唔知點回應，便叫現場粉絲幫他們把畫面拍下來。
圖片來源：互聯網
影片來源：Yuki、x3xlingz2z@instagram