舉行入行18年的關心妍（Jade）日前（13日）於廣州舉行「時刻觸動巡迴演唱會」，Jade當晚為歌迷唱出多首經典慘情歌《負擔不起》、《你有心》、《我太強》、《仍想念你》、《放生》、《仍然》和《終點》等，台下粉絲全晚與偶像大合唱，Jade恍如帶大家返到從前卡拉OK盛世的時代。
今次Jade兌現在內地開演唱會的承諾，開騷不久她已被台下熱情的歌迷感動到喊，「內地的巡迴真係等咗好耐，一直都等一個啱嘅時機，好多歌迷十幾年都未見過面，今次第一次見，仲見埋我個囡囡。」
演唱會最後一部分是送給女兒，Jade表示心心平時晚上九點便瞓覺，首次見到媽咪在台上表演，全程興奮得拍手和跳舞，可愛的心心又與媽媽穿上親子晚裝，成為歌迷的集郵目標。
心心下星期便三歲生日，Jade叫歌迷齊齊為囡囡唱生日歌，而大會就秘密安排生日蛋糕，預祝Jade本月尾生日，令她大叫驚喜。
唱到《龐貝·21世紀》，Jade重提當年「攞錯獎」事件，她說：「好多人都唔認識呢一面嘅我，好大意、成日發夢，呢首係我08年一個金曲獎，對我意義好大，除咗搞笑之外，咁rock嘅歌亦係另一面嘅我。」
廣州首站反應熱烈，Jade預告10月將會舉行深圳站、12月東莞站，明年3月亦會將巡迴演唱會帶到澳洲和美加，她說：「今年香港的場地好爆，希望巡唱尾站返到香港舉行。」
