名模周汶錡（Kathy）噚日（20日）踏入45歲，Kathy嘅法籍老公Julien為佢大搞懷舊生日派對，並邀得多個圈中朋友出席，包括張智霖（Chilam）和袁詠儀（靚靚）、蔡一智夫婦以及妹妹周勵淇（Niki）等。
壽星女Kathy穿上紅色低胸舞衣，展露美好身材，非常性感！一眾來賓亦跟足派對主題，齊齊穿上Bling Bling服飾同喇叭褲，充滿70年代嘅情懷。
靚靚與Chilam以情侶裝上陣，雙雙穿金色恤衫同牛仔褲到場。靚靚於社交網分享多張照片，並留言：「可愛的美人，生日快樂，身體健康，謝謝你送了一個又可扮靚又搞笑的晚上。」
而Niki就不讓Kathy專美，佢穿上一套閃爆彩色珠片衫到場，十分奪目！Niki為姊姊送上生日祝福：「Happy birthday my dear sis！一個又善良又狂野又美艷的家姐，祝你身體健康、永遠幸福快樂、永遠都咁索、永遠愛你520。」
圖片來源：周汶錡、周勵淇、袁詠儀@Instagram