顏卓靈拍電影又唱歌，多了一班陌生面孔為她打氣，為了多謝這班朋友，顏卓靈成立了「車厘子軍團」fans club，第一次聚會中，大家玩集體遊戲，又玩急口令，顏卓露的脷被考起！
顏卓靈話之前做《大樂師》跑謝票跑得好密，呢班陌生的面孔經常陪住佢，在現場大叫「顏卓靈」，「我最鍾意人哋叫我全名㗎！做《大樂師》跑謝票時，佢哋都陪住我走好多場謝票，又買飛入場支持，仲幫手打燈拍嘢，做咗『謝票機燈組』，我好多謝佢哋，所以現在我有時間就成立車厘子軍團fans club，多謝呢班朋友，可以多些時同佢哋呢班小傻瓜接觸，了解吓，等佢哋有歸屬感同真實感。」
在第一次聚會中，大家玩了好多遊戲，當中玩急口令，顏卓靈講：「一蚊一斤雞，一蚊一斤龜，雞貴定龜貴……」就考到佢條脷，講到一截截，顏卓靈都好唔忿氣，叫了聲「哎吔」，她說：「我好耐冇咁開心玩集體遊戲，本來佢哋想我做主持人，不過我想玩埋一份，大家玩到好似小朋友咁，希望快啲又再有聚會。」聚會中，顏卓靈仲送禮物及海報俾fans，大家都好期待下一次呢！