王君馨（Grace）早前忙於為無綫新劇《超能使者》開工，不過Grace卻在昨日（18日）煞科之日遇上小意外，不慎扭傷腳踝的她被送往醫院。Grace貼出一張坐輪椅的照片，並寫道：「冇諗過會咁樣完成一套劇⋯⋯好彩係last shot 先來整親，都算係任務完成！煞科！」
Grace及後再上傳一張對比圖，她留言：「7年前與今天，歡近回來舊朋友，我指的是我的腳部護托。」她又表示：「好感恩喺超能使者最後一個鏡頭先至整傷，任務完成全劇完；好感恩照完X-Ray知道骨冇事，如果唔係真係攤喺度六個月至一年；好感恩同一隻腳七年前腳腕嘅前韌帶有九成撕裂，我都擔心會唔會今次已經斷咗，醫生話今次前韌帶冇事，應該係傷咗側面同埋後面嘅韌帶，要等MRI出嚟再睇吓情況；好感恩下一套劇嘅監製導演，所有人都好遷就我呢個情況，可以比段時間我休息吓。令我可以有多啲時間準備好自己嘅角色，之後再同大家作戰！」
因為腳傷，Grace故要推遲原定工作，「本來三日後要拍嘅MV，依家要完全cancel，心情都有點失落，但係又好感恩成個團隊俾我好多愛同支持，我相信有更多時間做好首歌，準備好自己，再做足啲所有嘅pre-production ，MV出嚟嘅效果會更好！希望大家俾多少少時間我，期待我下一個BB！」
圖片來源： 王君馨、唐詩詠@Instagram