到底左定右係容祖兒？
《中國新說唱》最新一集經已播出，呢一集頭半段仍然係60秒淘汰賽環節，當中最引人注目嘅係，竟然連天后容祖兒都現身參賽？仔細啲睇，原來另有其人──女Rapper萬妮達。
答案：左邊係女Rapper萬妮達，右邊係如假包換的容祖兒
身材火辣嘅萬妮達由13歲開始就接觸HipHop文化，大學期間加入咗RAP團體Freedom Plant Music，製作咗多首單曲。佢最為人熟悉，要數到2016年《中國新聲音》，憑一首改編版嘅《牛仔很忙》加入那英戰隊，總決賽排行第十三名。
佢獨特嘅嗓音、HipHop同R&B風格，唱出咗一種黑人音樂嘅味道，連微博知名音樂博主「耳帝」都稱讚：「改編很有格調，有時下另類R&B氛圍、帶着南方說唱的氣質、抽大麻的黑暗迷醉感，配上她冷漠無情、甚至輕薄的唱腔，很具有辨識度，塑造出了一種鄉村牛仔穿越到一個現代罪惡都市社會的不適與異化感」。另外，萬妮達無論造型、火辣身材定係說唱風格，都有一種美國女Rapper Nicki Minaj嘅感覺，所以有網民評價佢係「中國版Nicki Minaj」。
不過，萬妮達參賽《中國新聲音》曾經出現一段小插曲，當時身為學員嘅佢，喺盲選階段一共唱咗兩次，第一次（關係戶專場）無獲得導師按制，但最後一天錄製晚場，佢再以同一首歌、同樣嘅唱法獲得四位導師沖著佢搶員，導師截然不同嘅態度同決定，都令人質疑佢係靠關係而非實力，呢件事曝光後，一時掀起咗熱話同討論。
講番萬妮達今次《中國新說唱》嘅造型，身穿鮮紅色背心再加上一頭紅髮，真係激似《隆重登場》時期嘅容祖兒！無論係五官定係方臉型，由正面同側面睇都有八成相似，就連揸麥克風唱rap都同容祖兒一樣咁有霸氣！你又覺得佢地似唔似呢？
圖片來源：互聯網