今日係4月1日愚人節，警方於Facebook上傳宣傳片段，當中邀得「明福俠」黎明幫手拍攝短片，提醒市民要小心騙案，唔好墮入騙徒圈套。
片中講述有女粉絲誤信Leon受壓迫，聽到一段錄音：「我係黎明，我喺內地俾富婆操控，逼我拍劇，唔該你用網上過數嘅方法畀我，當係贖金，俾我脫身返嚟香港參加金像獎。」粉絲深信不疑，於網上轉帳予騙徒，結果被對方封鎖對話。
而Leon就扮演騙徒下一個目標，佢聽完假訊息後搞笑地自嘲：「真係當我懵仔魚呀？我邊會拎到金像獎吖？如果懷疑自己做咗懵仔魚嘅，請即打熱線18222。」
Leon亦有於Facebook分享宣傳片：「I do believe..本人或你本人都最憎被騙！提醒大家唔好做懵仔魚，一年得一日係愚人節，冇人想同自己額外慶祝多個愚人節，防被騙！」Fans留言話佢哋好醒目，唔會咁容易做懵仔魚。
圖片來源：黎明、香港警察@Facebook