吳若希（Jinny）早前同老公去咗酒店stay caution過二人世界，仲喺窗前面擺甫士，想老公幫佢影女神相，點知佢覺得影到好肥，表示非常不滿。事隔幾日，Jinny Instgarm出現咗張同仔仔好溫馨嘅合照，正當網民以為老公Alex終於吐氣揚眉威番次，點知佢就自爆呢張相係出自大女何姿秋（Giselle）手中。
吳若希：「我女女影㗎呢張相！！！忍唔住貼堂。女女攝影技術已經叻過爸B啦~平時搏豬一見到我就喊！係淨係見到媽咪先喊～喊到我都想喊～逼我抱佢，但佢又唔知自己重磅，抱到手都斷～但，我搵到世界上最偉大既發明擺入去，搖兩下，即訓！」
圖片來源︰吳若希@Instagram、Facebook