唔少人成為爸爸媽媽之後，都會少咗post 旅行相多咗BB相，陳展鵬同單文柔都唔例外，最近出親post好多時都會見到小豬比嘅蹤影。而噚日單文柔仲發功，連續share咗三張囡囡小豬比嘅相，同大家一齊分享囡囡萌照。
小豬比呢三張相過咗一晚，而家加埋已經有成萬五個Like，不過陳展鵬都好似未係滿意，喺相下面留言：「有質素嘅攝影，捕捉得唔錯！不過未算最靚，都要等我出手。轉過頭，陳展鵬真係出手，post咗一張囡囡戴帽嘅相上IG，而家已經有九千個Like。大家睇完佢哋影嘅相，又覺得邊個小豬比好睇啲呢？
圖片來源：單文柔、陳展鵬＠Instagram