林芊妤（Coffee）自從關閉仔仔翟德彥（翟伯伯）Instagram帳戶後，不時會喺媽媽Instagram帳戶出現。而Coffee就算作為KOL兼星級媽媽，都會遇上唔少湊仔難題，今日佢就喺Instgaram分享點解決仔仔唔食清飯粒同勤力刷牙嘅必殺技，靠嚇！
靠嚇呢招，係翟伯伯身上好work，佢講完一個小朋友無嘢食捱餓嘅故事，翟伯伯即刻連飯碗邊嘅飯粒，都用手指食得一乾二淨。至於刷牙，就搵咗壞牙相俾佢睇，嚇到伯伯唔再懶刷牙。唔知Coffee有冇講《三隻小豬》同《狼來了》嘅故事俾仔仔聽？等佢唔敢講大話呢？
林芊妤：「話說，今日語重心長同佢講故事，係關於個小朋友日日無嘢食，到最後個結局仲好慘下。跟住今晚食飯嘅時候，我問佢記唔記得故事既小朋友，然後佢突然望住我，跟手拎起個匙羹係咁食，最尾仲用埋手指食晒啲飯粒。就好似之前佢唔肯刷牙，我就上網搵又黃又黑既牙嚇佢，佢自從睇完之後，依家日日都叫我同佢去刷牙。」
圖片來源：林芊妤＠Instagram