一排冇見，大家仲記得小暴龍哥Julian嗎？Julian去年喺《暖男爸爸》飾演鄭中基仔仔火速爆紅，轉眼間已經6歲，戲裏戲外都變得好識照顧人，連生日吹蠟燭都會讓俾妹妹玩埋一份。
好多人都話，生日嘅壽星仔／女係大晒嘅，生日正日就要滿足佢哋所有要求。但今年6歲嘅小暴龍哥Julian可能未必咁諗，反而會為身邊嘅人諗多步，呢日小暴龍哥屋企人帶咗佢同妹妹出去玩，玩到盡興嗰陣，當然唔少得食生日蛋糕同吹蠟燭。呢一刻，Julian作為哥哥竟然讓俾妹妹吹埋一份，大展哥哥風範，真係好識得為人諗。另外，Julian媽媽亦留言：「時間過得好快，好難想像我嘅寶貝仔已經6歲喇，希望你永遠無憂無慮，喺有趣開心嘅環境下成長。」
圖片來源：Julian＠Instagram
