李澤楷開公司力捧的大馬女神林宣妤，有美國HB Studio的導師教她做戲，又學跳拉丁舞，根底自然有返咁上下，原來Serene本身好有才氣，無師自通畫得一手好畫，她開了一個IG戶口lineofheart放自己的畫作，提供一個公開平台讓大家分享心事，「我開了這個ig page，有人問我可唔可以賣啲畫俾佢，我覆佢係唔賣嘅，個page係俾大家寫心事，每個人都需要有個channel去抒發自己的情感，想搵人分享，但我係不會reply，寫完會意識到原來係咁嘅心情或者這個選擇，是因為某種情緒，佢會更加了解自己，好似一個journal。」
Serene愛上繪畫，始於兩三年前，「拍《夕霧花園》時看過原著，角色是一個好識畫畫的人，其實劇本冇寫，也沒有畫畫的戲分，但我想感受一下角色，就上youtube學水彩，因為角色很喜歡日本花園，我就學畫樹葉和花園，慢慢喜歡畫畫，喜歡畫黑白線條畫，我覺得是我的style，這種free style點畫都得，畫畫冇對和錯，就順着感覺去畫。」